РЕСПУБЛИКА ҒОЛИБ ОИЛАЛАРИ АНИҚЛАНДИ

ЎКУФ ташаббуси билан старт берилган “Биз – спортчи оиламиз!” шиори остида оилавий спорт мусобақалари жорий йилнинг 1 июн куни вилоятимизда ҳам ўтказилган эди.
Мусобақада оилалар спортнинг 7 тури бўйича беллашишган эди.
Югуриш, акробатика элементлари, “Моҳир ҳужумчи”, “Чаққонлик эстафетаси”, “Қувноқ эстафета” ўйини, арғамчида сакраш, баръерлар оша югуриш, теннис коптогини олиб югуриш каби қизиқарли шартларда “Sirdaryo IES”A/Ж ходимлари Аҳмаджон, Дилафрўз ва уларнинг фарзанди Шерзодбек Ҳаққуловлар оиласи фахрли 1-ўринни эгаллашган эди.
Худди шу тадбирнинг Республика босқичи Наманган шаҳрида ниҳоясига етди.
Унга кўра, Бухоро вилоятидан ташриф буюрган Хасан Эшовлар оиласи фахрли учинчи, Сирдарё вилоятидан иштирок этган Аҳмад Хаққуловлар оиласи иккинчи, Қорақолпоғистондан келган Рустам Ҳайдаровлар оиласи эса биринчи ўринни қўлга киритишди.
Ғолиб оилаларга кубок ва эсдалик совғалари топширилди.

Маданий-маърифий ва спорт ишлари бўлими