ХОДИМГА НИСБАТАН БЕРИЛГАН ИНТИЗОМИЙ ЖАВОБГАРЛИК ЧОРАСИ БЕКОР ҚИЛИНДИ

Соғлиқни сақлаш ходимлари касаба уюшмаси Сирдарё вилояти Кенгашига   2025 йилнинг 09 сентябр куни Гулистон шаҳар 1-бўлим мудири Реимбаева Нафиса Курбанов томонидан иш берувчи ходимга нисбатан асоссиз равишда ойлик маошидан     30 % миқдорда жарима интизомий жазо чораси қўллаганлиги юзасидан амалий ёрдам сўраб мурожаат қилинган.

Мурожаат юзасидан ўтказилган ўрганиш жараёнида ҳақиқатдан ушбу буйруқ қонун ҳужжатларига номувофиқ тарзда қўлланилганлиги аниқланиб, иш берувчи номига Ўзбекистон соғлиқни сақлаш ходимлари касаба уюшмаси Республика Кенгашининг Сирдарё вилояти бўйича меҳнат ҳуқуқ инспектори А.Албеков томонидан 2025 йил 19 сентябр куни ушбу устама интизомий жазо чорасини бекор қилиш лозимлиги бўйича 66-сон билан рўйхатдан ўтказилган кўрсатма хат юборилган.
Шундан сўнг, Республика тез тиббий ёрдам маркази Сирдарё вилояти филиали директори томонидан 2025 йил 30 сентябр куни 89/иж-сонли буйруқ қабул қилиниб, Н.Реимбаевага нисбатан интизомий жазо чорасини қўллаш ҳақидаги  2025 йил 19 сентябрдаги 61-сонли буйруқ бекор қилиниб, ходим ҳуқуқ ўз вақтида тикланди.

Ўзбекистон соғлиқни сақлаш ходимлари
касаба уюшмаси Республика Кенгашининг
Сирдарё вилояти бўйича меҳнат ҳуқуқ инспектори     А.Албеков