“БИР БЎЛСАК-ЯГОНА ХАЛҚМИЗ, БИРЛАШСАК- ВАТАНМИЗ!”
Ўзбекистон Республикаси давлат мустақиллигининг ўттиз уч йиллик шонли санасини чинакам умумхалқ байрами, озодлик ва саодат айёми сифатида кўтаринки кайфиятда кутиб олиш ҳамда мамлакатимизнинг бугунги тараққиёт даражаси, юксалиш суръатларига муносиб тарзда нишонлашда касаба уюшмалари ҳам фаол иштирок этмоқда. 2024 йил 29-август куни Ўзбекистон касаба уюшмалари Федерацияси шунингдек Ўзбекистон таълим ва фан ходимлари касаба уюшмаси Республика кенгашининг “Ўзбекистон Республикаси давлат мустақиллигининг ўттиз уч йиллигига бағишлаб амалга ошириладиган, “Бир бўлсак-ягона халқмиз, бирлашсак- Ватанмиз!” деган бош ғояни ўзида мужассам этган ташкилий-амалий, маънавий-маърифий тадбирлар ҳамда тарғибот-ташвиқот ишлари дастури” ижросини таъминлаш мақсадида Ўзбекистон таълим ва фан ходимлари касаба уюшмаси Сирдарё туман бўлинмаси кенгаши томонидан тармоқда фаолият юритаётган ишчи ходимлар ўртасида спортнинг мини футбол ҳамда волейбол турлари бўйича “Спорт-саломатлик гарови” шиори остида спорт мусобақалари ўтказилди. Мусобақаларда тизимидаги ташкилотлардан жами 60 дан ортиқ ходимлар иштирок этишди. Мусобақалар туман кенгаши томонидан тасдиқланган Низом асосида ўтказилди.
Мусобақа ғолиблари ва иштирокчиларига Ўзбекистон таълим ва фан ходимлари касаба уюшмаси Сирдарё туман бўлинмаси кенгаши томонидан эсдалик совғалар ҳамда дипломлар топширилди.
