ЯНГИЕРДА БАЙРАМ ТАНТАНАЛАРИ
Янгиер шаҳридаги 1-умумтаълим мактаби бошланғич касаба уюшмаси қўмитаси ходимларнинг қонуний ҳуқуқлари, ижтимоий манфаатларини ҳимоя қилиш борасида қатор ишларни амалга оширмоқда. Касаба уюшмалари куни муносабати билан бўлиб ўтган байрам тадбирида ютуқлар алоҳида таҳкидлаб ўтилди. Жумладан, давлат ва хўжалик бошқаруви органлари, иш берувчилар ҳамда кенг жамоатчиликнинг эътиборини меҳнатни муҳафаза қилиш масалаларини ҳал қилишга қаратиш, ишлаб чиқариш маданиятини юксалтириш, иш берувчи томонидан ходимларга соғлом ва хавфсиз меҳнат шароитлари яратилиши, шунигдек меҳнат муҳофазаси ва хавфсизлиги тўғрисидаги қонун ҳамда меъёрий ҳужжатларга риоя этилиши устидан жамоатчилик назоратини таъминлаш юзасидан ҳар йили ўтказиладиган республика кўрик-танловида аъзолар сони 100 нафаргача бўлган бошланғич ташкилотлар ўртасида мактаб касаба уюшмаси қўмитаси доимо қатнашиб келади. Ёш ўқитувчи Равшан Мирзамуродов “Энг ёш меҳнат муҳофазаси вакили” номинацияси бўйича вилоятда биринчи ўринни олиб, республика бўйича ҳам нуфузли ўринни эгаллади.
Мактаб касаба уюшмаси қўмитаси раиси С.Шамсиева ана шулар ҳақида гапираркан, “Ўзбекистон бўйлаб саёҳат қил!” шиори остида ички туризмни ривожлантириш мақсадида ходимлар Самарқанд шаҳрига, Жиззах вилоятидаги Зомин туманига эко саёҳатлар ташкил этилганлигини, мактаб жамоаси “Соғлом танда – сифатли таълим» шиори остида «Касаба уюшмаси кубоги » соврини учун ўтказилган спорт мусобақасининг шаҳар босқичида доимий равишда муносиб иштирок этиб, фахрли ўринларни эгаллаб келаётгани, йил давомида оилавий шароитида муаммо бўлган ходимлардан 8 нафардан 10 нафаригача касаба уюшмаси томонидан моддий қўллаб-қувватланаётганига батафсил тўхталди. Шу билан бирга буларнинг ҳаммаси иш берувчи билан касаба уюшмаси қўмитасининг ҳамжиҳат, ҳамкорлиги натижаси эканлигини таъкидлади.
Байрам тадбирида иштирок этган Ўзбекистон таълим ва фан ходимлари касаба уюшмаси Янгиер шаҳар бўлинмаси Кенгаши раиси Улуғбек Алланазаров ва мактаб директори Ш Аслановалар фаол касаба уюшма аъзоларига уюшманинг эсталик совғаларини топширдилар.
