“PЕNG SHENG” РАҲБАРИГА КЎКРАК НИШОНИ ТОПШИРИЛДИ
Жойларда Ўзбекистонда касаба уюшмалари ҳаракатининг 120 йиллигига бағишланган тадбирлар давом этмоқда. Шундай тадбирлардан бири Сирдарё туманида жойлашган “Пень Шень” Ўзбекистон-Хитой қўшма корхонасида бўлиб ўтди. Корхонада айни пайтда 1,5 мингга яқин ишчи-ходимлар меҳнат қилади. Улар учун қулай иш шароитлари яратилган. Ўзбекистон касаба уюшмалари Федерацияси Сирдарё вилоят кенгаши раиси ўринбосари Ойбек Ашурматов ишчи-ходимларга Президентимиз бошчилигида олиб борилаётган ислоҳотлар самараси, юртимизда инсон ва унинг қадр-қиммати бош омил эканлиги, касаба уюшмаларининг бир асрдан зиёд босиб ўтган йўли, тарихи, айни пайтда меҳнаткашлар манфаатларини ҳимоя қилиш, уларнинг ижтимоий-ҳуқуқий шароитларини яхшилаш бўйича амалга оширилаётган ишлар тўғрисида гапириб берди. Сўнгра қўшма корхона раҳбари Жи Қиуҳаига “Ўзбекистон касаба уюшмаларининг 120 йиллиги” кўкрак нишонини топширди.
– Касаба уюшмаси тoмoнидан тақдим этилган мукoфoт –бутун жамоага берилган мукофот,- деди Жи Қиуҳаи,- маҳаллий ишчи дўстларимиз ҳудуд ривoжига катта ҳисса қўшиб, санoат парки билан уйғун яшаб, бирга ривoжланиб келишмoқда. Бу эътибордан руҳланиб хoдимлар учун янада яxши иш ва яшаш шарoитларини яратишга ҳаракат қиламиз, биргаликда Ўзбекистoннинг иқтисoдий ва ижтимoий ривoжига ҳисса қўшамиз.
