ҒОЛИБЛАР ТАҚДИРЛАНДИЛАР
Вилоят касаба уюшмалари ташкилотлари бирлашмаси фаоллар залида “Энг фаол ёш мутахассис” республика кўрик-танловининг вилоят босқичи бўлиб ўтди.
Тадбирни бошловчи Нилуфар Авангардова ҳамда вилоят касаба уюшмалари ташкилотлари бирлашмаси Кенгаши раиси К.Акбутаев бошқариб бордилар.
Йиғилишнинг асосий мавзуси бўйича Камолиддин Акбутаев сўзга чиқиб, танловдан мақсад – Ёшларга оид давлат сиёсатини амалга оширилишида фаол иштирок этишга йўналтириш ҳамда ёшларнинг ҳар томонлама етук мутахассис бўлиб камол топишга бўлган интилишларини қўллаб-қувватлаш, иқтидорли ёш мутахассисларни рағбатлантириш, ёш авлод вакилларида ватан туйғуси ва мамлакатда рўй бераётган воқеаларга дахлдорлик ҳиссини оширишга кўмаклашишдан иборат эканлигини таъкидлади. – Бу йил ушбу кўрик-танловда турли соҳаларда 1000 нафардан ошиқ ёш мутахассислари иштирок этдилар, – деди маърузачи ўз сўзида. – Тадбирда иштирок этаётган йигит-қизлар шу танловларнинг туман-шаҳар, вилоят босқичларида ўзларининг истеъдодли, фаол эканликларини намоён эта олганлардир.
Шундан сўнг тақдирлаш маросими бошланди. Кўрик-танловнинг “Энг фаол ёш ихтирочи” йўналиши ғолиби Гулистон Давлат университети ўқитувчиси Ғайрат Бердиев биринчи даражали диплом ва эсдалик совғалар билан тақдирланди. Ёш ихтирочи Адҳам Жўраевга ушбу номинацияда 2-нчи даражали диплом ва совға топширилди.
“Энг фаол ёш спорт мураббийи” номинацияси бўйича, 3-нчи даражали диплом ва эсдалик совға Гулистон шаҳар Болалар ва ўсмирлар спорт мактаби мураббийи Нодир Абдусаидовга, 2-нчи даражали диплом ва эсдалик совғаси Янгиер шаҳар Болалар ва ўсмирлар спорт мактаби мураббийи Сардор Хаитовга, 1-нчи даражали дипломи ва эсдалик совғаси Боёвут туман Болалар ва ўсмирлар спорт мактаби мураббийи Жавлон Миржумаевга тақдим этилди.
“Энг фаол ёш банк ходими”номинациясида Акциядорлик тижорат “Агробанк” нинг Гулистон шаҳар филиали ходими Умид Олимов касаба уюшмаларининг 3-нчи даражали дипломи ва эсдалик совғаси, шу банкнинг Боёвут тумани филиали ходими Шоҳиста Рустамова касаба уюшмаларининг 2-нчи даражали дипломи ва эсдалик совғаси, яна шу банкнинг вилоят филиали ходими Бобир Шоимқулов касаба уюшмаларининг 1-чи даражали дипломи ва эсдалик совғаси билан тақдирланди.
Танловнинг “Энг фаол ёш озиқ-овқат саноати ходими” номинациясида 3-нчи даражали диплом ва эсдалик совға билан “Фаол заҳматкаш” хусусий корхонаси ишчиси Эътиборхон Маҳкамова, ушбу номинацияда 2-нчи ўринни эгаллаган “Бек бирлашмаси” масъулияти чекланган жамияти ишчиси Гулзода Марипова касаба уюшмаларининг 2-нчи даражали дипломи ва эсдалик совғаси билан, биринчи ўринни эгаллаган “Камалак универсал савдо” масъулияти чекланган жамияти ишчиси Маҳлиё Қўчқорова касаба уюшмаларининг 1-нчи даражали дипломи ва эсдалик совға билан тақдирландилар.
“Энг фаол ёш транспортчи” номинациясида касаба уюшмаларининг 3-нчи даражали дипломи ва эсдалик совғаси Оқолтин тумани “Оқолтинйўл” ташкилоти ишчиси Мансур Аллаяровга, касаба уюшмаларининг 2-нчи даражали дипломи ва эсдалик совғаси Мирзаобод туман кўприк ташкилоти ишчиси Зоҳиджон Тожиқуловга, касаба уюшмаларининг 1-нчи даражали дипломи ва эсдалик совғаси Боёвут тумани “Боёвутйўл” ташкилоти ходими Рустамжон Умаровга топширилди.
“Энг фаол ёш шифокор” номинациясида 3-нчи ўринни эгаллаган Сирдарё вилоят кўп тармоқли тиббиёт бирлашмаси шифокори Ўктам Аманкулов касаба уюшмаларининг 3-нчи даражали диплом ва эсдалик совға билан, вилоят перинатал маркази шифокори Санжар Мусаев касаба уюшмаларининг 2-нчи даражали дипломи ва эсдалик совғаси билан, ушбу номинацияда касаба уюшмаларининг 1-нчи даражали дипломи ва эсдалик совға билан республика шошилинч тез тиббий ёрдам илмий маркази Сирдарё вилояти филиали нейрохирургия бўлими шифокори Зафар Шоимовлар тақдирландилар.
Тадбир давомида “Ўзбекнаво” эстрада-концерт бирлашмаси вилоят бўлими ходимлари ўзларининг ватанпарварлик мавзусидаги қўшиқлари билан иштирок этдилар.
Тадбир жуда сермазмун ўтди.
Зебо Ҳайдарова.