МЕҲНАТ АҲЛИ АРДОҚДА

“Ҳеч ким меҳр ва эътибордан четда қолмасин!” шиори остидаги акция қатор йиллардан буён касаба уюшма фаолиятининг муҳим бир дастури сифатида изчил давом эттириб келинаяпти.
9 май-Хотира ва қадрлаш куни муносабати билан касаба уюшмалари тизимида кўп йиллар самарали меҳнат қилиб, бугунги кунда қарилик гаштини сураётган меҳнат фахрийларига байрам дастурхони ёзилиб ифторлик ўтказилди.
-Касаба уюшмалари байрамлар арафасида биз, фахрийлар ҳолидан мунтаазм хабар олади. Бунинг учун ўз миннатдорчилигимимни билдираман, -дейди фахрий Бозорбой Исматов.
Ушбу муборак кунларда тинчлигимиз, оилалар фаровонлиги, юртимиз равнақи учун дуо ўқилиб, шукроналик келтирилди. Меҳнат фахрийларига касаба уюшмаларининг эсдалик совғалари топширилди.

Озода МАМАДАЛИЕВА,
«Ishonch»