“ВИЛОЯТ КЕНГАШИ РАИСИ КУБОГИ” КИМЛАРГА НАСИБ ҚИЛДИ

Бугун спортнинг шахмат тури бўйича касаба уюшмаларининг вилоятимиздаги ходимлари ҳамда тармоқларнинг бошланғич касаба уюшма қўмитаси раислари ўртасида “Вилоят Кенгаши раиси кубоги” ўтказилди.
Дастлаб вилоят Кенгаши раиси Р.Турсунмурадов бугунги тадбирнинг асл мақсади, моҳияти тўғрисида гапириб, барча иштирокчиларга омадлар тилади.
Қизиқарли ва муросасиз ўтган тадбирда эркаклар билан бирга аёл ишчи-ходимлар ҳам фаол бўлдилар.

Мусобақа якунига кўра эркаклар ўртасидаги беллашувларда III-ўрин вилоят ўрмон хўжалиги бошланғич касаба уюшма қўмитаси раиси Улуғбек Ғозиевга, II-ўрин Сирдарё туман 11-сон болалар мусиқа ва санъат мактаби бошланғич касаба уюшма қўмитаси раиси Шохрух Саидқурбоновга ва I-ўрин Янгиер шаҳар телекоммуникация боғланмаси бошланғич касаба уюшма қўмитаси раиси Шерқўзиев Иномжонга насиб қилди.

Аёллар ўртасидаги беллашувларда III-ўрин қуйи Сирдарё ирригация тизимлари бошқармаси бошланғич касаба уюшма қўмитаси аъзоси Назира Мансуровага, II-ўрин Гулистон шаҳар телекоммуникация боғланмаси бошланғич касаба уюшма қўмитаси аъзоси Азиза Машариповага ва I-ўрин Сирдарё туманидаги 43-умумтаълим мактаби бошланғич касаба уюшма қўмитаси раиси Нигора Халкузиевага насиб қилди.
Ғолиб ва совриндорлар вилоят Кенгашининг эсдалик совғалари ҳамда вилоят Кенгаши раиси кубоги билан муносиб тақдирландилар.

Маданий-маърифий ва спорт ишлари бўлими