КАСАБА УЮШМАЛАРИ СОҒЛОМ ТУРМУШ САРИ
Сирдарё вилоят касаба уюшма ташкилотлари бирлашмаси Кенгаши Раёсатининг 2016 йил 11 январдаги “Соғлом оила” шиори остида оилавий спорт мусобақаларини ўтказиш тўғрисида”ги 3-9 “с” сонли қарори асосида яқинда Мирзаобод туманидаги Наврўз шаҳарчасида жойлашган Мирзаобод ижтимоий иқтисодий касб-ҳунар коллежи спорт залида “Соғлом оила” шиори остида Республика оилавий спорт мусобақаларининг тармоқлараро 2-босқичи ўтказилиб, ушбу спорт мусобақасида тармоқларга тегишли корхона, ташкилот ва муассасалардан 8 та оила иштирок этишди.
Ушбу спорт мусобақасида оила таркибида ота, она ва 8-12 ёшгача бўлган ўғил боладан иборат оилалар орасидан Таълим, фан ва маданият ходимлари касаба уюшмасидан 32-умумтаълим мактаби ўқитувчиси Равшан Сиддиқов оиласи 1–ўринни, Давлат муассасалари ва жамоат хизмати ходимлари касаба уюшмаси Мирзаобод туман Кенгаши тизимидаги туман хокимлиги жамоасидан Бахтиёр Шодмонқулов оиласи 2-ўринни, Соғлиқни сақлаш муассасалари ходимлари касаба уюшмаси туман Кенгашидан «Наврўз» ҚВП ишчиси Бахтиёр Юсупов оиласи 3-ўринларни эгаллашди. Оила таркибида ота, она ва 8-12 ёшгача бўлган қиз боладан иборат оилалардан Соғиқни салаш муассасалари касаба уюшмаси тизимидаги туман Болалар шифохонаси жамоасидан Хайрулла Маматов оиласи 1-ўринни, Таълим, фан ва маданият ходимлари касаба уюшмасидан 8-умумтаълим мактаби ўқитувчиси Матлуба Шайзақова оиласи 2-ўринни ва Давлат муассасалари ва жамоат хизмати ходимлари касаба уюшмасидан туман хокимияти ишчиси Маҳмуд Аманов оиласи 3-ўринларни эгаллашди. Ғолиблар тармоқ касаба уюшмалари кенгашлари томонидан қимматбахо совғалар билан тақдирландилар.
