Click to listen highlighted text!

«ТОЗАЛИК, ОЗОДАЛИК – САЛОМАТЛИК ГАРОВИ» ТАДБИРИ

    Озод ва фаровон юртимиз келажаги бўлмиш болажонларга давлат миқёсида катта эътибор берилмоқда. Касаба уюшмалари тизимида ҳам “Касаба уюшмаси-болажонларга!” акцияси доирасида турли тадбирлар ўтказилиб, иқтидорли, кам таъминланган оилалар  ва ҳалок бўлган ҳарбий хизматчилар фарзандлари доимий рағбатлантирилиб келинмоқда.

    Ўзбекистон касаба уюшмалари Федерацияси Кенгаши Раёсатининг 2016 йил 2 августдаги   “Касаба уюшмалари болаларга акцияси доирасида ташкил этиладиган «Тозалик, озодалик – саломатлик гарови» тадбирини ўтказиш тўғрисида”ги 4-09 “с” – сонли қарорига асосан  шу кунларда вилоятимизнинг чекка туманларида ҳам юқоридаги мавзуда тадбирлар ўтказиди.

 Хусусан, Ховос туманидаги  2,3,4,8,17,18,20,28 – ўрта умумтаълим  мактабларида ҳамда Боёвут туманидаги 17,18,19,20,29,30,38,47,51 – ўрта умумтаълиммактабларида “Тозалик, озодалик–саломатлик гарови” тадбири ўтказилиб, ушбу мактабларнинг 1-синфларига бу йил қабул қилинган жами  700 нафар ўқувчиларга 700 та санитария-гигиена жамламаларидан иборат бўлган совғалар  тантанали равишда топширилди.

  Тадбирда,  шунингдек,  жажжи ўғил-қизларга  санитария-гигиена талаблари, соғлом турмуш тарзи, атроф-муҳит, жамоат уйлари, мактаб, синф хоналари, шахсий буюм, кийим-кечакларини тоза-озода тутиш қоидалари  ҳақида тушунчалар берилди, турли юқумли касалликлар тўғрисида болаларга дастлабки маълумотлар сингдирилди.

   Касаба уюшмаларининг совғаларидан баҳраманд бўлган жажжи болажонлар нафақат ўзларининг озодалик, санитария-гигиена қоидалари  ҳақидаги билим ва кўникмаларини бойитдилар, балки  касаба уюшмалари ҳақидаги дастлабки тасаввурга ҳам эга бўлдилар.

 

А.Мамарасулов,Таълим фан ва маданият ходимлари касаба уюшмаси  Сирдарё вилояти бўйича масъул ташкилотчи

Print Friendly, PDF & Email
Click to listen highlighted text!