ҚАРОР ИЖРОСИ АМАЛДА
“Фаол инвестициялар ва ижтимоий ривожланиш йили” дастури доирасида, шунингдек меҳнаткашлар ва уларнинг оила аьзоларини жисмоний-тарбия ва спортга янада кенгроқ жалб этиш, вилоятда жисмоний-тарбия ва спортнинг оммавийлигини оширишга кўмаклашиш ва 9 май “Хотира ва қадрлаш куни” байрами муносабати билан вилоят касаба уюшмалари ташкилотлари Бирлашмаси Кенгаши Раёсатининг 2019 йил 11 апрелдаги 17/46 “с” сонли қарори асосида “Сирдарёэлектртармоқлари” ҳудудий корхонаси касаба уюшма қўмитаси ташаббуси билан 20 апрел шанба куни спортнинг мини футбол тури бўйича мусобақалар ташкиллаштирилди.
Унда “Сирдарёэлектртармоқлари” ҳудудий корхонаси ва унинг туман, шаҳарлардаги корхоналаридан соҳанинг жами 150 нафардан ортиқ ишчи-ходимлари қатнашишди.
Бугунги тадбиримиздан мақсад ишчи-хизматчиларимизни спортга янада кенгроқ жалб этиш билан бирга дейди корхона бошланғич касаба уюшма қўмитаси раиси Ш.Мирзабеков, май ойида ўтказилиши режалаштирилаётган вилоят ва Республика босқичларида спортсевар ишчиларимизни фаол иштирок этишга қизиқтиришдир.
Гулистон шаҳрининг “Обод юрт” МФЙ ҳудудида жойлашган ёнма-ён қурилган иккита мини-футбол майдончасида ўтказилган мусобақалар кеч соат 1630 гача давом этди.
Мусобақалар сўнггида ғолиб жамоалар аниқланди. Унга кўра Мирзаобод туман электртармоқлари жамоаси биринчи ўринни, электростанция бўлими иккинчи ўринни ва вилоят электртармоқлари корхонаси аппарат ходимлари учинчи ўринни эгаллашди.
Ғолиб жамоалар касаба уюшма қўмитасининг қимматбаҳо эсдалик совғалари билан тақдирланишди. Тадбир охирида “Энг ёши улуғ иштирокчи”, “Энг маҳоратли хаваскор спортчи”, “Ғалабага бўлган интилиши учун” ва “Энг ёш иштирокчи” каби номинациялар ғолиблари ҳам эсдалик совғалар билан тақдирланишди.
ВКУТБ нинг Маданий-маьрифий ва спорт ишлари бўлими
