СПОРТ МУСТАҲКАМ ОИЛАМИЗ ПОЙДЕВОРИ

“Sirdaryo IES” АЖ касаба уюшма қўмитаси томонидан ишчи – ходимларнинг оилалари ўртасида “Спорт мустаҳкам оиламиз пойдевори” номли “Оилавий спартакиада” мусобақаси бўлиб ўтди. Жами 12 та оилавий жамоа иштирок этган мусобақа қизғин кечди. Якуний натижаларга кўра, 1-ўринни 1-Қозон турбина цехи ишчиси Умид Бобокалонов оилавий жамоаси қўлга киритди.
2-Қозон турбина цехи ишчиси Ахмад Ҳаққулов, Ёқилғи транспорт цехи
ишчиси Ғайрат Рахматов оилавий жамоалари кейинги ўринларни банд қилишди.
Спартакиада мусобақасида “Энг фаол оила”, “Энг чаққон оила”, “Энг аҳил оила” ва “Ғалабага интилиши юқори оила” номинациялари бўйича ҳам ғолиблар аниқланди.
Оилавий жамоаларнинг барчасига корхона касаба уюшма қўмитасининг рағбатлантирувчи совғалари топширилди.
Камола МУСАЕВА,
“Sirdaryo IES” АЖ
бошланғич касаба уюшма қўмитаси раиси